ધરતી પરનું સ્વર્ગ

"અંધશ્રદ્ધા છોડી ઘર તરફ પાછા વળો; ઘરને જ મંદિર બનાવો" – માં વિશ્વંભરીનો આ દિવ્ય સંદેશ સમગ્ર માનવજાત સુધી પહોંચાડવાનો અને લોકોને તેમના ઘરોને ઘરમંદિરમાં પરિવર્તિત કરવાનો ધામનો મુખ્ય ઉદ્દેશ છે.

ઘરને મંદિર બનાવી શક્તિ આરાધનાનો માર્ગ બતાવવો અને માનવીને શારીરિક, માનસિક, અને આધ્યાત્મિક તકલીફોમાંથી મુક્ત બનાવવા ઉદેશ્ય છે.

આ ધામ મનુષ્ય માટે મોક્ષપ્રાપ્તિનું પાવન દ્વાર છે, જ્યાંથી આધ્યાત્મિક માર્ગદર્શન દ્વારા તે જન્મમૃત્યુના અનંત ચક્રમાંથી તેમજ જીવનના દુઃખોથી મુક્તિ પ્રાપ્ત કરી શકે છે.

આ ધામનો ઉદ્દેશ્ય છે કે માનવીને સત્ય-અસત્ય અને ધર્મ-અધર્મનો ભેદ સમજાવી, તેને સત્ય, ધર્મ અને સત્કર્મોની દિશામાં પ્રેરિત કરીને સત્યનિષ્ઠ બનાવવા.

આ ધામનો ઉદ્દેશ્ય એ છે કે કોઈ જાત-પાત, ઊંચ-નીચ, અમીર-ગરીબ કે સ્ત્રી-પુરુષના ભેદભાવ વિના સમસ્ત માનવજાત માટે સનાતન વૈદિક ધર્મ ઉજાગર કરવો.

આ ધામનો ઉદેશ્ય એ છે કે માનવીને સનાતન વૈદિક સંકૃતિને અનુરૂપ જીવન જીવવાની પ્રેરણા આપી સનાતન સંસ્કૃતિને ઉજાગર કરવી.

આ ધામનો ઉદ્દેશ્ય એ છે કે તે માનવીને સંઘર્ષમય પરિસ્થિતિઓમાંથી પસાર થવાની સાથે સાથે આનંદમય, શાંતિમય અને સંતુલિત જીવન જીવવાની સાચી કળા શીખવે.

આ ધામનો મુખ્ય ઉદ્દેશ્ય છે એ કે સમગ્ર વિશ્વમાં પવિત્ર અને સાત્વિક ઘરમંદિરનું નિર્માણ થાય કે જ્યાં કર્મનિષ્ઠ અને સંસ્કારી માતા-પિતાને ત્યાં ઉચ્ચ કોટીની આત્માઓના અવતરણ થાય.

આ ધામ માનવીને ફરજનિષ્ઠ અને મૂલ્યપ્રધાન બનાવી, ઘરથી શરૂ કરીને વૈશ્વિક સમસ્યાઓ સુધી સકારાત્મક ઉકેલ લાવવાનો ઉદ્દેશ્ય ધરાવે છે.

શ્રીરામ અને શ્રીકૃષ્ણ દ્વારા ચરિતાર્થ થયેલી આદર્શ કુટુંબ અને સમાજની વ્યવસ્થાઓને આજના યુગમાં ફરી પ્રસ્થાપિત કરવો ધામનો મુખ્ય ઉદ્દેશ્ય છે.

ઘરમંદિરના માધ્યમથી બાળકોમાં ઊંડા નૈતિક મૂલ્યો અને આધ્યાત્મિક સંસ્કારોનું સિંચન કરીને આદર્શવ્યક્તિત્વ ઘડવાનો આ ધામનો ઉદ્દેશ્ય છે.

પ્રકૃતિ અને કર્મના સિદ્ધાંતોનું પાલન શીખવતું આ ધામ વ્યક્તિને શાંતિમય, આનંદમય અને ધર્મમય જીવનશૈલી તરફ દોરી જાય છે.

આ ધામ મનુષ્યને કર્મના સિધ્ધાંતનું નિષ્ઠાપૂર્વક પાલન કરતા શીખવીને જન્મોજનમ ગરીબી અને દરિદ્રતામાંથી મુક્ત થવાનો માર્ગ દર્શાવે છે.

આ ધામનો ઉદેશ્ય એ છે કે ઘર મંદિરના માધ્યમથી લોકોના જીવનમાં વૈદિક ક્રાંતિકારી વિચારધારાનો સંચાર કરી સત્યની સંઘનિષ્ઠા ઉભી કરવી.